ކައުންސިލްގެ ނައިބު ރައީސް، އަޙްމަދު ސުނީލު
- ކައުންސިލްގެ ރައީސް ޗުއްޓީގައި ހުންނަވާ ދުވަސްތަކުގައި ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނުގައި ބަޔާންކޮށްފައިވާ ގޮތުގެމަތިން ކައުންސިލްގެ މަޤްޞަދާއި އެއްގޮތަށް ކައުންސިލް ޙަރަކާތްތެރި ކުރުވައި ހިންގުން.
- ޝަރުޢީ ކޯޓުތަކުން ކުރާ ޙުކުމްތައް ތަންފީޒުކުރުމުގައި ޝަރުޢީ ކޯޓުތަކަށާއި، ސަރުކާރުގެ އިދާރާތަކަށް އެހީތެރިވުން.
- ދިވެހިރާއްޖޭގެ ޤާނޫނާއި އެއްގޮތްވާ ގޮތުގެމަތިން ކަރަންޓާއި، ފެނާއި، ފާޚާނާއާއި ނަރުދަމާގެ ނިޒާމު ފަދަ ޢާންމު ޚިދުމަތް ހިންގައި ބެލެހެއްޓުން.
- އިޖުތިމާޢީ މަރުކަޒުތަކާއި ކުޅިވަރުކުޅޭ ޢާންމު ދަނޑުތަކާއި ބިންތައް ބެލެހެއްޓުމާއި ކުޅިވަރުގެ ވަޞީލަތްތަކާއި ޢާންމު ޕާކުތަކާއި މުނިފޫހި ފިލުވުމާއިބެހޭ ޚިދުމަތްތައް ފޯރުކޮށްދިނުން.
- އާސާރީ ތަންތަން ބެލެހެއްޓުމާއި ޘަޤާފީ ކަންކަން ދިރުވައި ދެމެހެއްޓުން.
ކައުންސިލް މެންބަރު، ޙަމްދޫނު އާދަމް
- ރަށް ގިރުން ހުއްޓުވުމަށްޓަކައި ފިޔަވަޅު އެޅުމާއި ރަށުގެ އެއްގަމު ތޮއްޓާއި ކަނޑު ތޮށި ގަނޑު މަރާމާތުކޮށް ބެލެހެއްޓުމާއި ގުޅޭ މަސައްކަތްތައް.
- ޕްރައިމަރީ ޙެލްތް ކެއާރ އާއި ޞިއްޙީ ރައްކާތެރިކަމާއި ގުޅޭ އަސާސީ ޚިދުމަތްތައް ދިނުމުގައި މަސައްކަތްތައް.
- މިސްކިތްތައް ބެލެހެއްޓުމުގެ މަސައްކަތްތައް.
- ޤަބުރުސްތާނު ބެލެހެއްޓުމާއި ކަށުކަމާއި ކެމީގެ ކަންތައް ކުރެވޭނެ ނިޒާމް ޤާއިމުކޮށް ދިނުމާއި، ކަށުކަމާއި ކެމީގެ ކަންކަން ހަމަޖެއްސުމުގެ މަސައްކަތް.
- ދީނީ ގޮތުންނާއި ޤަޢުމީ ގޮތުން ފާހަގަ ކުރަންޖެހޭ ދުވަސްތަކާއި މުނާސަބަތުތައް ފާހަގަކޮށް، ދީނީ އަދި ޤަޢުމީ އިޙްތިފާލްތައް ބޭއްވުމުގެ މަސައްކަތްތައް.
- ޕެސްޓް ކޮންޓްރޯލް ކުރުމުގެ މަސައްކަތްތައް.
- ދިމާވާ ކުއްލި ނުރައްކާތެރި ޙާލަތްތަކުގައާއި ޙާދިސާތަކުގައި އެހީތެރިކަން ފޯރުކޮށްދެވޭނެ ނިޒާމެއް ޤާއިމުކުރުމުގެ މަސައްކަތްތައް.
- ދަތުރު ފަތުރުގެ އެންމެހައި މަސައްކަތްތައް.
ކައުންސިލް މެންބަރު، ޢާއިޝަތު މަޙްމޫދު
- ކުނި މެނޭޖުކުރުމާއި ބެހޭ މަސައްކަތްތައް.
- ބިމާއި ބެހޭ މަސައްކަތްތައް.
- އިޖުތިމާޢީ ސަރަހައްދުތައް ސާފުކޮށް ބެލެހެއްޓުމުގެ މަސައްކަތްތައް.
- މަގުބައްތި ދިއްލައި ބެލެހެއްޓުމުގެ މަސައްކަތްތައް.
- ދިވެހިރާއްޖޭގެ ޤާނޫނާއި އެއްގޮތްވާ ގޮތުގެ މަތިން، ފިހާރާތަކާއި، ހޮޓާތަކާއި، ކެފޭ ރެސްޓޯރެންޓްތަކާއި، ގެސްޓްހައުސްތަކާއި އަދި ޢާންމު މާރުކޭޓުތަކުގެ ކަންކަން ހިންގާތޯ ބެލުމުގެ މަސައްކަތްތައް.
- ރަށްވެހިގޭގެ މަސައްކަތްތައް.
ކައުންސިލް މެންބަރު، ޢާއިޝަތު ޝިމްލާ
- ރަށުގެ މަގުތަކުގެ މަރާމާތުތަކާއި މަގު ހިނގާ މީހުންނަށާއި ދުއްވާ އެއްޗިއްސަށް އުނދަގޫ ނުވާނޭގޮތުގެ މަތިން މަގުތައް ބެލެހެއްޓުމުގެ މަސައްކަތްތައް.
- ބަނދަރާއި ގުޅުންހުރި މަސައްކަތްތައް.
- ތަޢުލީމާއި ބެހޭ މަސައްކަތްތައް.
- އިޖުތިމާޢީ ރައްކާތެރިކަމުގެ މަސައްކަތްތައް.
- ވިހާ މަރުވާ ރިކޯރޑްތަކާއި ގުޅޭ މަސައްކަތްތަކާއި ރަށުގައި ރަށްވެހިވެގެން އަދި ރަށްވެހިނުވެ ދިރިއުޅޭ ފަރާތްތަކުގެ އިތުރުން ބިދޭސީންގެ ދަފްތަރުގެ މަސައްކަތްތައް.